काठमाडौं । डिशहोमको ‘फन्ड ट्रान्सफरबाट रिचार्ज गरि खुसी वर्षभरि’ योजना सार्वजनिक भएको छ । ३ महिना, ६ महिना र वार्षिक रिचार्ज गर्दा भारी छुटसहितको विभिन्न प्याकेजहरु सार्वजनिक गरिएको कम्पनीले जनाएको छ ।
अनलाईनमार्फत् सजिलै ग्राहकको सेटटप बक्स रिचार्ज गर्न मिल्ने फण्ड ट्रान्सफर सेवामार्फत् ३ महिना, ६ महिना र १२ महिनाको लागि रिचार्ज गर्न सकिन्छ एकमुष्ठ रिचार्ज गर्दा ग्राहकहरुलाई महिनैपिच्छे रिचार्ज कार्ड किनेर रिचार्ज गर्नुपर्ने झन्झटबाट मुक्ति मिल्छ भने वार्षिक रिचार्ज गर्दा भारी छुट पनि प्राप्त गर्न सकिन्छ ।
कम्पनीका अनुसार ३ महिनोको रिचार्जमा १ महिना, ६ महिनाको रिचार्जमा २ महिना र १२ महिनाको रिचार्जमा ४ महिनाको लागी आफूलाई मन परेको कुनै एक एड अन प्याकेज छानी छानी लिन सकिनेछ ।
वार्षिक रिचार्ज गर्दा पहिले ४२०० को बेसिक प्याकेज ३६०० मा, ४८०० को मिडियम प्याकेज ४२०० मा, ५१०० को वेसिक प्लस ४५०० मा हेर्न सकिनेछ । यस्तै, ५७०० को मिडियम प्लस ४९९८ मा, ६००० को सुपर एचडी ४९९९, ७२०० को प्रिमियम एचडी ५७९९ मा र १०८०० को लाईफस्टाईल एचडी ८४०० मै उपलब्ध हुनेछ ।
फण्ड ट्रान्सफर सेवा डिशहोमको नेपाल भर रहेका आधिकारीक बिक्रेता, डिलर र सव डिलरकोमा उपलव्ध छ ।
