काठमाडौं । नेपाल क्रेडिट एण्ड कमर्श (एनसीसी) बैंकको दुई वर्षको वार्षिक साधरण सभा एकैसाथ आज (भदौ २३ गते) हुँदैछ । बैंकको बीसौं र एक्काइसौं वार्षिक साधारण सभा विहान ११ बजेबाट राष्ट्रिय सभा गृहमा शुरु हुँदैछ ।
साधारण सभामा आर्थिक वर्ष २०७४/७५ को नाफाबाट सेयरधनीलाई १५.८९% बोनस सेयर वितरण गर्ने प्रस्ताव पेश हुनेछ । यस्तै, सहायक कम्पनी स्थापना गरेर ब्रोकरको काम गर्ने, एफपीओ ल्याउन तथा धितोपत्र निक्षेप लगायतका काम गर्न बैंकको प्रबन्धपत्र तथा नियमावली संशोधन गर्ने, बैंक सञ्चालक समितिको निर्वाचन गर्ने लगायतका एजेन्डा रहेका छन् ।
यस्तै, उपयुक्त बैंक–वित्तीय संस्थासँग मर्जर तथा एक्विजिसन गर्न एवं वैदेशिक रणनीतिक साझेदारी भित्रउन सञ्चालक समितिलाई अख्तियारी दिने प्रस्ताव पनि पेश हुनेछ ।
सभा प्रयोजनका लागि बैंकले साउन २६ गते बुक क्लोज गरीसकेको छ । साउन २३ गतेसम्म कायम सेयरधनीले साधारण सभामा भाग लिन तथा लाभांश पाउनेछन् ।
हाल ७ अर्ब १ करोड ८५ लाख रुपैयाँ चुक्ता पूँजी रहेको बैंकको बोनस वितरणपछि ८ अर्ब १३ करोड ३८ लाख रुपैयाँ पुग्नेछ ।
