काठमाडौं । सरकारले कोरोना परीक्षणको शुल्क घटाएको छ । स्वास्थ्य तथा जनसख्ंया मन्त्रालयले सरकारी अस्पतालको शुल्कमा २०० र निजी अस्पतालको शुल्कमा ५०० रुपैयाँ घटाएको हो ।
मन्त्रालयका अनुसार अब सरकारी अस्पतालमा कोरोना परीक्षणका लागि ८०० रुपैयाँ शुल्क तिर्नुपर्नेछ । यसअघि १ हजार रुपैयाँ तोकिएको थियो । कोरोनाको लक्षण भएकाहरुको भने सरकारी अस्पताल तथा प्रयोगशालामा निःशुल्क परीक्षण हुने मन्त्रालयले जनाएको छ ।
त्यस्तै, अब निजी अस्पतालमा पीसीआर विधिबाट कोरोना परीक्षण गर्दा १५०० रुपैयाँ तिर्नुपर्नेछ । यसअघि यो शुल्क २ हजार रुपैयाँ थियो ।
