काठमाडौाँ । नेपाल राष्ट्र बैंकले २ रुपैयाँ दरको सिक्का बजारमा ल्याउने भएको छ । पुरानैै आकारमा सुनौलो रंगमा टकमरी गरिएको सिक्का शुक्रबारदेखि प्रचलनमा ल्याउने भएको हो ।
बजारमा पठाउन लागिएका उक्त सिक्कामा साल २०७७ लेखिएको छ । राष्ट्र बैंक मुद्रा व्यवस्थापन विभागका अनुसार सिक्काको वृत्ताकार घेराभित्र वरपर ६४ वठा थोप्ला रहेकोे छ । यसैगरी, सिक्काको माथिल्लो भागमा अंग्रेजीमा आरएस टु र तल्लो भागमा देवनागरी लिपिमा २ रुपैयाँ लेखिएको छ ।
राष्ट्र बैंकका अनुसार सिक्काको बीच भागमा सात प्रदेशसहितको नेपालको नक्सा रहेको छ भने नक्साको ठीक माथिपट्टि दायाँतर्फ फरक क्षमता (दृष्टिविहीन)हरूले स्पर्श गरेर सिक्काको दर पहिचान गर्न सक्ने दुईवटा थोप्ला रहेको छ ।
सिक्काको पछाडिपट्टि वृत्ताकार घेराभित्र वरिपरि चौसठ्ठी वटा थोप्ला, आठ थोप्लासहितको वृत्ताकार चित्र रही सो भित्र वर्गाकार आकृतिको बाहिरपट्टि वरिपरी चन्द्र, सूर्य, चक्र, शंख, पद्म र गधाको आकृति रहेको छ ।
सिक्काको बीच भागमा जानकारी मन्दिरको आकृति र सो आकृतिको मुनि देवनागरी लिपिमा जानकी मन्दिर लेखिएको छ ।