काठमाडौं । मनकामना केबलकारको सेवा ५ दिन बन्द हुने भएको छ । मनकामना दर्शन प्रालिले बिहीबार एक सूचना जारी गर्दै मर्मत–सम्भारका लागि भन्दै आगामी भदौ २२ देखि २६ गतेसम्म केवलकारको बन्द हुने जनाएको छ ।
प्रालिले मुलह्विल लिनर चेन्जिङ, मेन मोटर सर्भिसिङ तथा रोप रिङस्प्लिसिङलगायतको मर्मतका लागि ५ दिनसम्म समय लाग्ने भएकाले सेवा बन्द गर्न लागिएको जनाएको छ । भदौ २७ गतेदेखि केवलकार नियमित रुपमा सञ्चालन हुने प्रालिले जनाएको छ ।
मनकामना केबलकार वि.सं. २०५५ सालदेखि सञ्चालनमा रहेको नेपालको पहिलो केबलकार हो । प्रत्येक वर्ष हजारौं भक्तजनहरू चितवन जिल्लाको कुरिनटारको चेरेसबाट यो केबलकार हुँदै गोरखा जिल्लाको मनकामना मन्दिर पुग्ने गर्दछन् । ३.०२ किलोमिटर लामो यो केबलकार अष्ट्रेलियाको डोपल मायर कम्पनीको प्रत्यक्ष निगरानीमा निर्माण गरिएको थियो
