काठमाडौं । डिजिटल भुक्तानी सेवा प्रदायक ‘माइपे’ वालेट सार्वजनिक भएको छ । डिजिटल पेमेन्ट फस्टाउँदै गइरहेको अवस्थामा आधुनिक फिचरहरू सहित ‘माइपे’ सार्वजनिक भएको हो ।
२०२१ नोभेम्बर २४ बाट सुरु गरिएको माइपेले पहिलो पटक एप डाउनलोड गरी कारोबार गर्नेलाई २५ प्रतिशत क्यास ब्याक योजना ल्याएको छ । योजना अन्तर्गत १०० रुपैयाँसम्म क्यासब्याक गरिने व्यवस्था गरिएको छ ।
यस वालेट मार्फत घरायसी आवश्यकताहरूलाई डिजिटल माध्यमबाटै पूरा गर्ने महत्वकांक्षी योजना रहेको माइपेले जनाएको छ । अहिले मोबाइल टपअप बिजुलीको बिल भुक्तानी, इन्टरनेटको बिल भुक्तानी गर्ने सुविधाहरू उपलब्ध रहेका छन् । त्यसबाहेक वालेटबाट टीभीको बिल भुक्तानी गर्न सकिन्छ ।
माइपे वालेटमा सजिलै कुनै पनि बैंकबाट फन्ड लोड गरी कारोबार गर्न सकिन्छ र अन्य माइपे अकाउन्टमा रकमान्तरण समेत गर्न सकिन्छ । हाल माइपे सामान्य सेवाहरू सहित आफ्नो प्रणालीको स्थायीत्व परीक्षण गरिरहेको छ ।
माइपेका सीईओ मनोजकुमार मेहता हाल संचालनमा रहेको विद्युतीय भुक्तानी सेवा प्रदायकहरूको सेवामा रहेका बिजुली, इन्टरनेट वा अन्य बिल भुक्तानी गर्ने परम्परागत शौलिलाई उछिन्दै माइपे ग्राहकहरू माझ आएको बताउँछन् ।
‘हामीले सर्वसाधारणलाई अति आवश्यक सेवाहरू डिजिटल माध्यमबाटै गर्न सकिने गरी फरक र नयाँ सेवा दिने जमर्काेमा रहेका छौं,’ उनले भने ‘अहिले हामीले परीक्षणका रूपमा केही विशेषताहरू मात्रै राखेर माइपे वालेट सार्वजनिक गरेका छौं, हाम्रो वालेटको परफमेन्स र सर्वसाधारणको प्रतिकृया हेरेर छिट्टै नै हामी अति आवश्यक, सहज र नवीन सुविधाहरू सहितको पूर्ण रूपको वालेट सार्वजनिक गर्नेछौं ।’
