काठमाडौं । अंग्रेजी नयाँ वर्षलाई लक्षित गर्दै चन्द्रागिरि हिल्स रिसोर्टले ‘न्यू इएर इभ’ अफर ल्याएको छ । कम्पनीले स्वदेशी तथा विदेशी पर्यटकलाई लक्षित गर्दै यस्तो अफर ल्याएको हो ।
कम्पनीका अनुसार २० हजार रुपैयाँमा दुई जनालाई ब्रेकफास्ट, गाला डिनर, डिलक्स रुम उपलब्ध गराउने भएको छ । साथै, दुइतर्फी केबलकारको टिकट, स्वीमिङ, ज्याकुजी सुविधा पनि उपलब्ध गराउने छ भने स्पामा १० प्रतिशत छुट दिने चन्द्रागिरि हिल्सले जनाएको छ ।
कम्पनीले काठमाडौंको धार्मिक तथा पर्यटकीय स्थल चन्द्रगिरि डाँडामा गतवर्षदेखि रिसोर्ट संचालन गरिरहेको छ । संचालनमा आएदेखि नै पर्यटकको रोजाइमा पर्दै आएको रिसोर्टले हालै ‘इन्टरनेशनल हस्पिटालिटी एण्ड ट्राभल अवार्ड–२०२१’ पाएको थियो ।
कम्पनीले चन्द्रागिरिमा केबलकार, जीपलाइन पनि संचालन गर्दै आएको छ ।
