काठमाडौं । अमेरिकी डलरको भाउ डेढ वर्ष यताकै उच्च भएको छ । पछिल्लो समय डलरको तुलनामा नेपाली मुद्रा कमजोर बन्दै गएसँगै डलरको भाउ आकाशिएको हो ।
नेपाल राष्ट्र बैंकले आइतबारका लागि सार्वजनिक गरेको विनीमयदर अनुसार १ अमेरिकी डलरको विक्रीदर १२१.५३ रुपैयाँ तोकिएको छ । सोही दिन एक अमेरिकी डलरको खरिद दर १२०.५३ रुपैयाँ छ ।
यो पछिल्लो १७ महिना यताकै उच्च हो । विश्वबजारमा अमेरिकी डलरप्रतिको आकर्षण बढेसँगै यसको भाउ उकालो लागेको हो । डलरको भाउ लगातार बढ्दा नेपाली रुपैयाँ भने कमजोर हुँदै गएको छ ।
