काठमाडौं । निजी क्षेत्रको वायुसेवा प्रदायक तारा एयरले पोखरा–नेपालगन्ज–पोखरा उडान सुरु गरेको छ । ताराले शुक्रबारदेखि ट्वीनअटर जहाजबाट पोखरा–नेपालगन्ज उडान सुरु गरेको हो ।
ताराले उक्त रुटमा सातामा तीन उडान गर्नेछ । हरेक सोमबार, बुधबार र शुक्रबार पोखराबाट बिहान ११:३० बजे उडान गर्ने र नेपालगन्जबाट दिउँसो ३:३० बजे पोखरा फर्कने उडान तालिका रहेको एयरलाइन्सले जनाएको छ ।
पोखरा–नेपालगन्ज रुटको एकतर्फी भाडादर ७ हजारदेखि ७ हजार ९२० रुपैयाँसम्म कायम गरिएको छ । पोखरा–जोमसोम–पोखरा उडान गरेपछि एयरलाइन्सले पोखरा–नेपालगन्ज–पोखरा उडान गर्ने छ ।
