काठमाडौं । आगामी मंसिर १ गतेदेखि घरायसी र सिंचाइम प्रयोग हुने बिजुलीको महशुलमा छुट हुने भएको छ ।
नेपाल विद्युत् प्राधिकरणले प्रस्ताव अनुसार विद्युत नियमन आयोगले बिजुलीको महसुल समायोजन गर्दै बुधबार नयाँ दर सार्वजनिक गरेको हो ।
आयोगले स्वीकृत गरेको नयाँ महशुल अनुसार अब ५ एम्पियरको मिटर जडान गर्नेले घरायसी ग्राहकले २० युनिटसम्म विद्युत् निःशुल्क पाउने छन् । यद्यपि, सेवा शुल्कबापत न्यूनतम ३० रुपैयाँ भने तिर्नुपर्नेछ । यसबाट करिब २२ लाख ग्राहक लाभान्वित हुनेछन् भने प्राधिकरणलाई वार्षिक ७५ करोड भार पर्नेछ ।
त्यसैगरी, सिँचाइमा प्रयोग हुने बिजुलीको महशुलमा पनि ५० प्रतिशत छुट पाउनेछन् ।यस्तै, व्यवसाय सञ्चालनका लागि ४०० भोल्टको थ्री फेजको लाइन लिने घरायसी वर्गका ग्राहकले अब प्रतियुनिट वर्षामा १०.५० र हिउँदमा ११.५० रुपैयाँ तिर्नुपर्ने छ । यसअघि ४०० युनिटसम्म खपत गरेमा ११.५० रुपैयाँ र सोभन्दा बढी खपत गरेमा १२ रुपैयाँ महसुल थियो ।
बिजुली खेर जान थालेपछि खपत बढाउने उद्देश्यले प्राधिकरणले घरायसीका साथै औद्योगिक प्रयोगमा समेत छुट दिने गरी नयाँ महशुल निर्धारण गरेको थियो ।
कति बिजुली खपत गर्दा प्रतियुनित कति तिर्नुपर्छ ?
