काठमाडौं । आज हुने नेपाल र भारतबीचको मैत्रीपूर्ण फुटबल प्रतियोगिताका लागि दर्शकलाई मैदानमा खेल हेर्न दिइने भएको छ ।
अखिल नेपाल फुटबल सङ्घ (एन्फा) का दर्शकलाई मैदान प्रवेशका लागि काठमाडौँ जिल्ला प्रशासन कार्यालय र कोभिड– १९ सङ्कट व्यवस्थापन केन्द्र (सीसीएमसी)ले अनुमति दिएको जनाएको हो ।
दर्शक मैदानमा प्रवेशका लागि एन्फाले बुधबारअनुमतिपत्र पाएको हो । नेपाल र भारतबीचको पहिलो खेलका लागि ५ हजार १०० दर्शक मैदान प्रवेशका लागि अनुमति पाएको एन्फाले जनाएको छ ।
आज त्रिपुरेश्वरस्थित दशरथ रङ्गशालामा ५ः३० बजे खेल शुरु हुनेछ । दर्शकले अनलाइनबाटं टिकट किन्न सकिने व्यवस्था गरिएको छ ।एन्फाले साधरण टिकको मूल्य १ हजार रुपैयाँ र भीआइपी टिकटको मूल्य २ हजार रुपैयाँ तोकेको छ ।
नेपाल र भारबीच हालसम्म १९ वटा खेलमा प्रतिस्पर्धा भएकामा भारतले १३ खेलमा जीत हासिल गरेको छ भने नेपाल दुई खेलमा मात्र विजयी भएको छ । दुवै देशले चार खेलमा बराबरी खेलेका थिए । भारतले नेपालको पोष्टमा ३३ गोल गरेको छ भने नेपालले भारतको पोष्टमा नौ गोल मात्र गर्न सकेको छ ।
विश्व फुटबल महासङ्घ (फिफा)को बरियाताअनुसार पुरुष फुटबल टोलीतर्फ भारत १०५औँ तथा नेपाल १६८औँ स्थानमा रहेको छ ।
