काठमाडौं । नेपाली कांग्रेसका सांसद तथा व्यवसायी उमेश श्रेष्ठ स्वास्थ्य राज्यमन्त्री नियुक्त भएका छन् ।
प्रधानमन्त्री शेरबहादुर देउवाले स्वास्थ्य मन्त्रालयको जिम्मेवारी आफैंसँग राखेर श्रेष्ठलाई राज्यमन्त्रीमा नियुक्त गरेको राष्ट्रपति कार्यालयले जनाएको छ ।
राज्यमन्त्री नियुक्त भएका श्रेष्ठ भोजपुरका हुन्। उनी कांग्रेसका समानुपातिक सांसद हुन्। श्रेष्ठ ललितपुरको हात्तीवनस्थित लिटिल एन्जल्स स्कूलका सञ्चालक हुन् । यस्तै, निजी तथा आवासीय विद्यालय सङ्गठन (प्याब्सन)को अध्यक्ष समेत हुन् ।
श्रेष्ठको थुप्रै व्यवसायिक क्षेत्रमा लगानीसमेत छ । उनको शैक्षिक संस्था, घरजग्गा, बैंक, होटल लगायत व्यवसायमा लगानी रहेको छ ।
