काठमाडौं । शिखर इन्सुरेन्स कम्पनीको नाफा १८.४६% ले बढेको छ । शिखरले आर्थिक वर्ष २०७५/७६को असार मसान्तसम्ममा ४७ करोड २९ लाख रुपैयाँ खुद नाफा आर्जन गरेको छ ।
यो अघिल्लो आर्थिक वर्षको यसै अवधिको तुलनामा ७ करोड ३७ लाख रुपैयाँले बढी हो । कम्पनीले अघिल्लो आर्थिक वर्षमा ३९ करोड ९२ लाख रुपैयाँ खुद नाफा कमाएको थियो ।
कम्पनीले गत आर्थिक वर्षमा पुर्नबीमा कमिशन आयबाट ४९ करोड ६६ लाख रुपैयाँ, लगानी कर्जा तथा अन्य आयबाट १५ करोड ४७ लाख रुपैयाँ आम्दानी गरेको छ ।
शिखरको जगेडा कोष ११२% ले बढेर ४५ करोड ७० लाख पुगेको छ । अघिल्लो आवको असार मसान्तसम्ममा २१ करोड २५ लाखको जगेडा कोष थियो।
चुक्ता पूँजी १ अर्ब ५ करोड ७३ लाख रहेको कम्पनीको बीमा कोषमा पनि चुक्ता पूँजी सरह छ । इन्सुरेन्सको महाविपत्ति कोषमा ७ करोड ३३ लाख रुपैयाँ सञ्चित छ ।
यस अवधिमा कम्पनीले १ अर्ब ५६ करोड ३४ लाख रुपैयाँ खुद बीमा शुल्क आर्जन गरेको छ। गत आर्थिक वर्षको यहि अवधिमा कम्पनीले १ अर्ब ५९ करोड १९ लाख खुद बीमा शुल्क आर्जन गरेको थियो । समीक्षा अवधिमा कम्पनीको खुद बीमा शुल्क आर्जन २ करोड ८५ लाखले घटेको हो।
गत वर्ष ३ लाख ३ हजार ५९१ बीमालेख जारी गरेको कम्पनीले ३ अर्ब ५१ करोड ९३ लाख रुपैयाँ कुल बीमाशुल्क आर्जन गरेको छ । ६४ हजार ९७४ बीमालेख नवीकरण भएका छन्।
यस्तै, १६ हजार ६३५ वटा दाबीमार्फत परेको १ अर्ब ८५ करोड ३४ लाख बराबरको कुल दाबी भुक्तानी गरेको छ । ४ हजार ३८२ दाबीबाट परेको ८१ करोड १६ लाख बराबरको भुक्तानी गर्न बाँकी छ । चौंथो त्रैमाससम्म कम्पनीले दाबी वापतको ३० करोड ९ लाख बराबरको भुक्तानी गर्न बाँकी छ ।
खुद नाफा बढेसँगै कम्पनीको प्रतिसयर आम्दानी ६.६७ रुपैयाँले बढेर ४४.४३ रुपैयाँ पुगेको छ । कम्पनीको प्रतिसेयर नेटवर्थ २५०.१७ रुपैयाँ रहेको छ ।
