काठमाडौं । घरेलु मैदानमा इंग्ल्यान्डलाई पराजित गर्दै इटालीले १६ औं संस्करणको युरो कप फुटबलको उपाधि जितेको छ । गएराति भएको फाइनलमा इंग्ल्यान्डलाई पेनाल्टी सुटआउटमा ३-२ गोल अन्तरले पराजित गर्दै इटालीले उपाधि जितेको हो ।
युरोकपको पुरस्कारका लागि मात्रै आयोजकले कुल ३७१ मिलियन युरो (करिब ५२ अर्ब ४४ करोड रुपैयाँ खर्च गरेको छ । युरोपियन फुटबल महासंघ (यूईएफए)का अनुसार विजेता टोली इटालीले कुल कुल ३४ मिलियन अर्थात् ४ अर्ब ८४ करोड १५ लाख रुपैयाँ पाएको छ ।
जसमा विजेता भए वापत मात्रै १० मिलियन यूरो अर्थात १ अर्ब ४१ करोड रुपैयाँ पाएको छ भने लिगचरणदेखिका खेल जिते बापत थप २४ मिलियन युरो पाएको हो ।
उपविजेता भएको इंग्ल्याण्डले कुल ३०.२५ मिलियन (करिब ४ अर्ब २७ करोड रुपैयाँ) पाएको छ । जसमा उपविजेता भएबापत ७ मिलियन यूरो (करिब ९९ करोड) र लिग चरणदेखिका खेल जितेबापत २३ मिलियन युरो पाएको छ ।
यस्तै, सेमिफाइनलमा पुगेको स्पेनले २२.५ मिलियन ( ३ अर्ब १८ करोड रुपैयाँ) र डेनमार्कले २१ मिलियन (२ अर्ब ९६ करोड रुपैयाँ) पाएका छन् ।
क्वार्टर फाइनलबाटै बाहिरिएको स्वीटजरल्याण्ड १७ मिलियन (२ अर्ब ४० करोड), बेल्जियम १९ मिलियन (२ अर्ब ६८ करोड), चेक रिपब्लिक १६.७५ मिलियन (२ अर्ब ३६ करोड) र युक्रेनले १६ मिलियन (२ अर्ब २६ करोड रुपैयाँ) पाएका छन् ।
यस्तै, प्रिक्वार्टरबाट बाहिरिएको जर्मनीले १७ मिलियन युरो (२ अर्ब ४० करोड रुपैयाँ), स्वीडेन १८.२५ मिलियन युरो (२ अर्ब ५८ करोड रुपैयाँ), नेदरल्याण्ड १९ मिलियन, अस्ट्रिया र फ्रान्सले समान १७.५ मिलियन, वेल्स, क्रोसिया र पोर्चुगलले समान १६.७५ मिलियन युरो पाएका छन् ।
यस्तै, युरोकपमा सहभागी भएर लिगचरणबाटै बाहिरिएका प्रत्येक टिमले ९.२५ मिलियन युरो अर्थात करिब १ अर्ब ३१ करोड नेपाली रुपैयाँ पाएका छन् ।
