काठमाडौं । नेपाल आयल निगमले फेरि पेट्रोलियम पदार्थको मूल्य बढाएको छ । दुईसाता अघि मात्र भाउ बढाएको निगमले निषेधाज्ञाकै बीच तेस्रोपटक भाउ बढाएको हो ।
निगमले बुधबार राति १२ बजेदेखि लागू हुनेगरी पेट्रोल, डिजेल, मट्टितेल र हवाई इन्धन (आन्तरिक उडानतर्फ)को मूल्य समान प्रतिलिटर २ रुपैयाँ बढाएको छ ।
नयाँ मूल्य सूची अनुसार पेट्रोलको मूल्य प्रतिलिटर १२७ रूपैयाँ, डिजेल र मट्टितेलको मूल्य प्रतिलिटर ११० रूपैयाँ पुगेको छ । हवाई इन्धन आन्तरिकतर्फको नयाँ मूल्य प्रतिलिटर ८२ रूपैयाँ कायम भएको छ ।
इण्डियन आयल कर्पोरेशन (आइओसी) ले मूल्य बढाएर पठाएकोले पेट्रोलियम पदार्थको मूल्य बढाइएको निगमले जनाएको छ ।
