काठमाडौं । नेपाल आयल निगमले फेरि पेट्रोलियम पदार्थको मूल्य बढाएको छ । दुईसाता अघि मात्र भाउ बढाएको निगमले निषेधाकै बीच दोस्रोपटक भाउ बढाएको हो ।
निगमले शनिबार राति १२ बजेदेखि लागू हुनेगरी पेट्रोल, डिजेल, मट्टितेल र हवाइ इन्धन (आन्तरिक उडानतर्फ)को मूल्य समान प्रतिलिटर २ रुपैयाँ बढाएको छ ।
नयाँ मूल्य सूची अनुसार पेट्रोलको मूल्य प्रतिलिटर १२५ रूपैयाँ, डिजेल र मट्टितेलको मूल्य प्रतिलिटर १०८ रूपैयाँ पुगेको छ । हवाइ इन्धन आन्तरिकतर्फको नयाँ मूल्य प्रतिलिटर ८० रूपैयाँ कायम भएको छ ।
इण्डियन आयल कर्पोरेशन (आइओसी) ले मूल्य बढाएर पठाएकोले पेट्रोलियम पदार्थको मूल्य बढाइएको निगमले जनाएको छ ।
