काठमाडौं । प्रभु बैंकले खुद मुनाफमा छलाङ मारेको छ । बैंकले आइतबार सार्वजनिक गरेको चालू आर्थिक वर्षको तेस्रो त्रैमासको वित्तीय विवरण खुद नाफमा ४४.०८ प्रतिशतले वृद्धि गर्न सफल भएको छ ।
विवरण अनुसार बैंकले चालू आवको चैत मसान्तसम्म कुल २ अर्ब १० करोड ९६ लाख रुपैयाँ खुद नाफा कमाएको हो । यो गत आवको सोही अवधिको तुलनामा ६४ करोड रुपैयाँ बढी हो । गत आवको तेस्रो त्रैमासमा बैंकले १ अर्ब ४६ करोड ४१ रुपैयाँ नाफा कमाएको थियो ।
समीक्षा अवधिमा बैंकको खुद ब्याज आम्दानी, सञ्चालन आम्दानी र गैर सञ्चालन आम्दानी बढेका कारण खुद नाफा बढ्न पुगेको हो।
बैंकको खुद ब्याज आम्दानी भने ६.६ प्रतिशतले बढेको छ । गत वर्षको तेस्रो त्रैमाससम्म ३ अर्ब ५९ करोड रुपैयाँ खुद ब्याज आम्दानी गरेको बैंकले चालू वर्षको सोही अवधिमा यस्तो आम्दानी बढेर ३ अर्ब ८३ करोड रुपैयाँ पुगेको छ । यस्तै, बैंकको संचालन नाफा ४६.८५ प्रतिशतले बढेर ३ अर्ब ५ करोड रुपैयाँ पुगेको छ ।
हाल ११ अर्ब ३४ करोड चुक्ता पूँजी रहेको बैंकको जगेडा कोषमा ५ अर्ब ९९ करोड रुपैयाँ सञ्चित छ। तेस्रो त्रैमाससम्म बैंकको वितरण योग्य मुनाफा १ अर्ब ५९ करोड ३९ लाख रुपैयाँ रहेको छ ।
समीक्षा अवधिसम्म बैंकले १ खर्ब ६३ अर्ब रुपैयाँ निक्षेप संकलन गरी १ खर्ब ३४ अर्ब रुपैयाँ कर्जा प्रवाह गरेको छ।समीक्षा अवधिमा बैंकको प्रतिसेयर आम्दानी १८.९३ रुपैयाँबाट बढेर २४.७९ रुपैयाँ पुगेको छ । बैंकले खराब कर्जा २.९५ प्रतिशतबाट घटेर १.४८ प्रतिशत पुगेको
छ ।
समीक्षा अवधिमा बैंकको प्रतिसेयर नेटवर्थ १५२.८६ रुपैयाँ, मूल्य आम्दानी अनुपात १८.७६ प्रतिशत, बेसरेट ७.०६ प्रतिशत र सीसीडी रेसियो ७४.४२ प्रतिशत रहेको छ ।
