काठमाडौं । नेपाल आयल निगमले पेट्रोलियम पदार्थको मूल्य वृद्धि गरेको छ ।निगमले भारतीय आयल निगमले मूल्य वृद्धि गरेसँगै नेपालमा पनि मूल्य वृद्धि गरिएको जनाएको छ ।
निगमले बिहीबार देखि लागू हुने गरी पेट्रोल, डिजेल र मट्टितेलमा प्रतिलिटर २ रुपैयाँ बढाएको छ ।नयाँ मूल्यअनुसार अब पेट्रोल प्रतिलिटर ११२ रुपैयाँ, डिजेल र मट्टितेलको प्रतिलिटर ९५ रुपैयाँ कायम गरिएको छ ।
यसैगरी निगमले खाना पकाउने ग्यासको मूल्य २५ रुपैयाँले बढाएर १ हजार ४०० रुपैयाँ पुर्याएको छ । निगमले हवाई इन्धनको मूल्य भने यथावत कायम राखेको छ ।
