काठमाडौं । सांग्रिला डेभलपमेन्ट बैंक लिमिटेडले आफ्नो संस्थागत सामाजिक उत्तरदायित्व अन्र्तगत प्रदेश नं. १ धरानस्थित विजयपुर आध्यात्मिक मञ्चलाई वित्तीय सहयोग प्रदान गरेको छ ।
आज आयोजित एक कार्यक्रममा धरान शाखाका शाखा प्रबन्धक विपल्व राज खनालले विजयपुर आध्यात्मिक मञ्चका अध्यक्ष पितरुमल अग्रवाललाई १ लाख ११ हजार रुपैयाँको चेक हस्तान्त्तरण गरेका हुन् ।
उक्त आर्थिक सहयोगले सिंहदेवी मन्दिर देखि दुई धारे पथ हुँदै विजयपुर चोक सम्मको पैदल रेलिङ्ग मार्गको निर्माण कार्यमा सहयोग पुग्ने छ ।
बैंकले देशभरका ८६ शाखा कार्यालयहरुबाट विभिन्न समयमा सामाजिक उत्तरदायित्व अन्र्तगत सामाजिक संस्थाहरुलाई सहयोग गर्दै आईरहेको छ ।