काठमाडौं । दक्षिण कोरियाली स्मार्टफोन निर्माता कम्पनी सामसुङको स्मार्टफोन विक्रीमा गिरावट आएको छ ।
सामसुङ सन् २०२० मा ३० करोडभन्दा मोबाइल फोन विक्री गरेको छ । सामसुङले यो वर्ष गरेको स्मार्टफोन विक्री संख्या पछिल्लो ९ वर्ष यताकै सबैभन्दा कम रहेको एक तथ्यांकले देखाएको छ ।
सामसुङको वार्षिक मोबाइल विक्री संख्या २०११ यताकै सबैभन्दा कम हो । सन् २०११ पछि सामसुङको ३० करोडभन्दा कम स्मार्टफोन विक्री भएको पहिलो पटक हो ।
कोरोनाको कारण लक्ष्य अनुसार स्मार्टफोन विक्री हुन नसकेको कारण देखाउँदै कम्पनीले २०२१ मा भने ३० करोड ७० लाख स्मार्टफोन विक्री गर्ने लक्ष्य राखेको छ ।
