काठमाडौं । कुमारी बैंकले आर्थिक वर्ष २०७५/७६ को चौथो त्रैमासिक वित्तीय विवरण सार्वजनिक गरेको छ ।बैंकले सोमबार सार्वजनिक विवरण अनुसार अघिल्लो वर्षको तुलनामा खुद नाफा २८.०४% ले बढाउन सफल भएको छ ।
बैंकले आर्थिक वर्षको अन्त्यसम्म १ अर्ब ३३ करोड ४० लाख रुपैयाँ नाफा आर्जन गरेको छ । यो अघिललो वर्षको तुलनामा २९ करोड रुपैयाँले बढी हो । बैंकले अघिल्लो आर्थिक वर्षमा अर्ब ४ करोड १८ लाख रुपैयाँ खुद नाफा कमाएको थियो । बैंकको वितरण योग्य रकम ९६ करोड ७० लाख रुपैयाँ रहेको छ । जसबाट ११ प्रतिशत लाभांश वितरण गर्न सक्दछ ।
बैंकले खुद ब्याज आम्दानी, सञ्चालन नाफा, प्रतिशेयर आम्दानी, रिजर्भ कोष, निक्षेप संकलन तथा कर्जा प्रवाह जस्ता महत्वपूर्ण सूचकहरु बढाउन सफल भएको छ ।
बैंकले गत आर्थिक वर्षको चौथो त्रैमाससम्ममा खुद ब्याज आम्दानी ४८.५५% ले बढाएर ३ अर्ब १ करोड ९४ लाख रुपैयाँ पुर्याएको छ । यस्तै सञ्चालन नाफा ४२.६५% ले बढाएर १ अर्ब ९२ करोड ४७ लाख रुपैयाँ पुर्याएको छ । गत आवमा ७३ अर्ब २० करोड निक्षेप संकलन गरि ७३ अर्ब १२ करोड बराबरको कर्जा लगानी गरेको छ ।
बैंकले रिजर्भ कोष पनि १९.७७% ले बढाएर २ अर्ब १४ करोड ९७ लाख रुपैयाँ जम्मा गरेको छ । बैंकको प्रतिसेयर आम्दनी ०.८२ रुपैयाँले बढेर १५.३६ रुपैयाँ पुगेको छ । बैंकको प्रतिसेयर नेटवर्थ १३६.६४ रुपैयाँ रहेको छ ।
