काठमाडौं । १० महिनादेखि बन्द रहेको सवारी साधन चालक अनुमतिपत्र (ड्राइभिङ लाइसेन्स) को अनलाइन आवेदन पुस १४ गतेदेखि खुल्ने भएको छ ।
यातायात व्यवस्था विभागले एक सूचना जारी गर्दै पुस १४ गते (मंगलबार) देखि लाइसेन्सको अनलाइन आवेदन खुला हुने जानकारी गराएको हो ।
कोरोना भाइरसको कारण विगत १० महिनादेखि सवारी चालक अनुमतिपत्रको आवेदन रोकिएको थियो ।मंगलबारदेखि लाइसेन्सको आवेदन, लिखित परीक्षा र ट्रायल सबै खुला गर्न लागिएको विभागले जनाएको छ।
विभागले कोरोना भाइरसविरुद्ध स्वास्थ्य मन्त्रालयले तयार पारेको मापदण्ड पालना गर्ने गरी नयाँ लाइसेन्सको परीक्षा र वर्ग थपको प्रक्रिया खुला गर्न लागिएको जानकारी दिएको छ।
प्रदेश यातायात कार्यालयबाटै अब नयाँ लाइसेन्स वितरण हुने विभागले जनाएको छ।
