काठमाडौं । नेपाल स्टक एक्सचेन्ज (नेप्से)मा सूचीकृत कम्पनीहरुले आर्थिक वर्ष २०७६/७७ को नाफाबाट धमाधम लाभांश घोषणा गरिरहेका छन् ।
केही कम्पनीले आफूले घोषणा गरेको लाभांश साधरण सभाबाट पारित गरिसकेका छन् । कतिपय कम्पनीले लाभांश सुरक्षित गर्नका लागि बुक क्लोज मिति घोषणा गरिसकेका छन् । कतिपय कम्पनीहरुले भने लाभांश मात्र घोषणा गरेका छन्, बुक क्लोज मिति घोषणा गरेका छैनन् । केही कम्पनीहरुले भने लाभांश नै घोषणा गरेका छैनन् ।
सेयर बजारबाट लगानीकर्ताले कमाउने भनेको दुई ढंगले हो । पहिलो, लगानी गरेको कम्पनीको सेयर मूल्य बढेर । दोस्रो लाभांश बाट ।
अहिले नेपाली सेयर बजार बुल रनमा देखिएको छ । यस्तो समयमा लगानीकर्ताहरुले सेयर मूल्यमा भएको वृद्धि र लाभांश दुवैबाट उल्लेख्य कमाउने संभावना रहन्छ । अर्थात, आफ्नो लगानीमा गुणात्मक ढंगले कमाउन सक्छन् ।
त्यसैले आफूले चाहेको कम्पनीको सेयर किनेर लाभांश सुरक्षित गर्न लगानीकर्ताहरु नछुटुन भनेर यहाँ लाभांश र बुक क्लोज मिति दुवै घोषणा गरेका कम्पनीहरुको सूची प्रस्तुत गरिएको छ ।
कम्पनीहरुले घोषणा गरेको लाभांश पाउन लगानीकर्ताले बुकक्लोज मितिभन्दा अघिल्लो दिन सम्म सेयरधनी कायम हुनु पर्ने हुन्छ ।
अहिलेसम्म गत वर्षको नाफाबाट सबैभन्दा धेरै लाभांश घोषणा गरेको कम्पनी हिमालयन डिस्टीलरीको बुल क्लोज मिति आगामी जनवरी १ तारिख रहेको छ । कम्पनीले घोषणा गरेको १०० प्रतिशत लाभांश सुरक्षित गर्नका लागि डिसेम्बर ३१ सम्म सेयरधनी कायम भइसक्नुपर्ने हुन्छ ।
यसैगरी अन्य कम्पनीहरुको लाभांश र बुक क्लोज मिति तल प्रस्तुत गरिएको छ ।
