काठमाडौं । नागरिक लगानी कोषलाई उछिन्दै एनआइसी एशिया बैंक बजार पूँजीकरणका आधारमा पाँचौं ठूलो कम्पनी बनेको छ ।
पछिल्लो एक सातामै सेयर मूल्य प्रतिकित्ता करिब १२५ रुपैयाँभन्दा धेरैले बढेपछि कोषलाई पछि पार्दै एनआइसी एशिया पाँचौं ठूलो कम्पनी बनेको हो । पछिल्लो सातामै बजार पूँजीकरण १६ अर्ब रुपैयाँले बढेर ९५ अर्ब ६३ करोड रुपैयाँ पुगेको छ ।
नेप्सेका अनुसार सेयर बजार पूँजीकरणका आधारमा नेपाल टेलिकम सबैभन्दा ठूलो कम्पनीको रुपमा रहेको छ । टेलिकमको बजार पूँजीकरण १ खर्ब ६६अर्ब ६५ करोड रुपैयाँ छ ।
यस्तै दोस्रो स्थानमा १ खर्ब ४३ अर्ब बजार पूँजीकरण सहित नबिल बैंक रहेको छ भने १ खर्ब ३७ अर्ब रुपैयाँ पूँजीकरण रहेको नेपाल पुनर्बीमा कम्पनी तेस्रो स्थानम रहेको छ ।
यस्तै, बजार पूँजीकरणका आधारमा नेपाल लाइफ इन्स्योरेन्स १ खर्ब २८ अर्ब चौथो , नागरिक लगानी कोष ८३अअर्ब ६७ करोड छैटौं, नेपाल इन्भेष्टमेन्ट बैंक ७१ अर्ब ६७ करोड रुपैयाँ सहित सातौं स्थानमा रहेका छन् ।
त्यसैगरी, ६८ अर्ब १२ करोड बजार पूँजीकरण रहेको ग्लोबल आइएमई बैंक आठौं, ६१ अर्ब ८३ करोड रुपैयाँ सहित एनएमबी बैंक नवौं र ६० अर्ब ५६ करोड रुपैयाँसहित एभरेष्ट बैंक दशौं स्थानमा रहेको छ ।
नेप्सेका अनुसार सूचीकृत कम्पनीहरुको कुल बजार पूँजीकरण २७ खर्ब ४२ अर्ब १७ करोड रुपैयाँ रहेको छ ।
