काठमाडौं । सिद्धार्थ बैंकले गत आर्थिक वर्ष २०७५/०७६ को चौथो त्रैमासिक वित्तीय विवरण सार्वजनिक गरेको छ । आइतबार सार्वजनिक विवरण अनुसार बैंकले गत वर्ष २ अर्ब ३० करोड ८८ लाख रुपैयाँ खुद नाफा आर्जन गरेको छ ।
बैंकले अघिल्लो आर्थिक वर्षको तुलनामा नाफामा २१.२५ प्रतिशत बढोत्तरी गरेको हो। अघिल्लो आर्थिक वर्षमा बैंकले १ अर्ब ९० करोड ४० लाख ६१ हजार रुपैयाँ नाफा कमाएको थियो ।
केन्द्रीय बैंकले तोकेको शिर्षकहरुमा नियामकीय व्यवस्था पश्चात बैंकको वितरण योग्य मुनाफा १ अर्ब ६५ करोड २० लाख १८ हजार रुपैयाँ रहेको छ । यस नाफाबाट शेयरधनीलाई साढे १८ प्रतिशतसम्म लाभांश वितरण गर्नसक्ने क्षमता कायम गरेको छ।
बैंकको चुक्ता पुँजी ८ अर्ब ८८ करोड ७६ लाख ४ हजार रुपैयाँ रहेको छ । रिजर्भ कोष १२.२८% ले बढेर ४ अर्ब ४१ करोड ४८ हजार ५८ रुपैयाँ पुगेको छ ।
गत आवमा बैंकले एक खर्ब १४ अर्ब ५३ करोड निक्षेप संकलनबाट एक खर्ब चार अर्ब ७६ करोड कर्जा लगानी गरेको गरेकोे छ । सो अवधिमा बैंकले ४ अर्ब ६७ करोड ब्याज आम्दानी गरेको छ।
बैंकको प्रतिसेयर आम्दानी १४ पैसाले बढेर २६ रुपैयाँ ५९ पैसा पुगेको छ । सिद्धार्थको प्रतिसेयर नेटवर्थ १६९ रुपैयाँ ७७ पैसा रहेको छ ।
