काठमाडौं । अबदेखि आफ्नो खाता रहेको बैंक बाहेक अन्य बैंकको एटीमबाट पैसा झिक्दा शुल्क लाग्ने भएको छ ।
नेपाल राष्ट्र बैंकले चालू आर्थिक वर्षको मौद्रिक नीतिको त्रैमासिक समीक्षा गर्दै अबदेखि अन्तर बैंक एटीएम कारोबारमा शुल्क लिन पाउने व्यवस्था गरेको हो ।
यसअघि चैतदेखि राष्ट्र बैंकले कोरोना भाइरसको असर रहेसम्म जुनसुकै बैंकको एटीमएमबाट पैसा निकाले पनि शुल्क नलिन बैंकहरुलाई निर्देशन दिएको थियो ।
बैंकहरुले अन्तर बैंक एटीएम कारोबार गर्दा प्रतिकारोबार ५० रुपैयाँसम्म शुल्क लिने गरेका थिए । यद्यपि, केही बैंकहरुले २५ रुपैयाँभन्दा कममा पनि सेवा दिने गरेका थिए ।
