काठमाडौं । करिब ८ महिनापछि माउन्टेन फ्लाइट खुला हुने भएको छ । चैत यता बन्द रहेको माउन्टेन फ्लाइट आगामी शनिबार (मंसिर २० गते) देखि सञ्चालन आउने भएको हो ।
देशभर पर्यटकीय गतिविधि सञ्चालन हुन थालेसँगै निजी क्षेत्रका दुई कम्पनी बुद्ध एयर र यति एयरले माउण्टेन फ्लाइटको उडानको मिति तय गरेका हुन् ।
हरेक शनिबार नियमित माउन्टेन फ्लाइट हुने बुद्ध एयरले जनाएको छ । बुद्धले मंसिर २० गतेदेखि माउन्टेन फ्लाइट हुने जनाएको छ । बुद्ध एयरकाठमाडौंबाट सगरमाथा, मकालु, नुप्त्से, गौरीशंकर लगायत हिमश्रृङ्खलाको अवलोकन गर्न माउन्टेन फ्लाइट हुनेछ ।
बुद्ध एयरले एक माउण्टेन फ्लाइट टिकटको भाडा ८ हजार ९०० रुपैयाँ तोकेको छ । साथै एउटा टिकटा किन्दा अर्को टिकट सित्तैमा उपलब्ध गराउने कम्पनीले जनाएको छ । यो अफर नेपाली नागरिकको हकमा मात्र लागू हुने जनाइएको छ ।
यस्तै, यती एयरले पनि २० मंसिरदेखि नै हरेक शनिबार माउण्टेन फ्लाइट शुरु हुने जनाएको छ । यतिले पनि एउटा टिकट किन्दा अर्को सित्तैमा दिने अफर ल्याएको छ ।
