काठमाडौ। यस वर्ष दशैंमा ५ दिन बैंकका सबै शाखा बन्द हुने भएका छन् । विगतका वर्षहरुमा बैंकहरुले आशिंक शाखा खोली ३६५ दिनै सेवा दिने गरेका भएपनि यस वर्ष बढ्दो कोरोना संक्रमणको जोखिमलाई मध्येनजर गर्दै सम्पूर्ण शाखा बन्द गर्ने भएका हुन् ।
नेपाल बैंकर्स संघका अनुसार कात्तिक ७ गते फुलपातिदेखि कात्तिक ११ गते (टिकाको भोलिपल्ट) सम्म बैंकका सबै शाखाहरु बन्द हुने छन्।
बैंकका शाखाबाट हुने सेवा बन्द भए पनि डिजिटल बैंकिङ सेवा र एटीएम सेवा भने निरन्तर सञ्चालन हुने छन् ।
अहिले वाणिज्य बैंकहरुका मात्रै साढे ३ हजारभन्दा बढी कर्मचारी कोरोना कर्मचारी संक्रमित छन्। संघले कोरोना संक्रमणबाट जोगिन सर्वसाधारणलाई डिजिटल बैंकिङको प्रयोग गर्न पनि आग्रह गरेको छ ।
