काठमाडौं । खाद्य व्यवस्था तथा व्यापार कम्पनीले आजदेखि दशैंका लागि खसीबोका विक्री शुरु गरेको छ ।
खाद्य कम्पनीले बजार मूल्यभन्दा प्रतिकिलो सस्तो अर्थात प्रतिकिलो ५६० रुपैयाँमा खसी तथा बोका विक्री वितरण शुरु गरेको हो ।
कम्पनी दाङ र मकवानपुरको मजवानपुरबाट यस वर्षको बडादशैँका लागि खसीबोका ल्याएको छ ।
खाद्यले खसीबोकाको मूलय प्रतिकिलो ५६० रुपैयाँ निर्धारण गरे पनि त्यसमा प्रतिकिलो १० रुपैयाँ छुट दिइएको कम्पनीकी सूचना अधिकारी शर्मिला न्यौपानेले जानकारी दिइन् ।
उनका थापाथलीस्थित प्रादेशिक कार्यालय परिसरबाट प्रतिकिलो ५५० रुपैयाँ दरमा खसीबोका विक्री भइरहेको छ ।
कम्पनीका अनुुसार पहिलो चरणमा दाङबाट २०० र मकवानपुरबाट २०५ गरी ४०५ खसीबोका काठमाडौँ आइपुगेको छ । यस वर्ष कम्पनीले दुई जिल्लाबाट एक हजार खसीबोका ल्याउने तयारी गरेको छ ।
मुस्ताङबाट एक हजार च्याङ्ग्रा ल्याउने तयारी गरेको कम्पनीले गत वर्षको तुलनामा बढी मूल्य भएपछि अन्तिममा नल्याउने निर्णय भएको जनाइएको छ ।
