काठमाडौं । महालक्ष्मी विकास बैंकले दशैंको अवसरमा आफ्ना ऋणीहरुलाई ब्याजमा १० प्रतिशत छुट दिने भएको छ ।
कोरोनाका कारण सृजित असहज परिस्थितिलाई मध्येनजर गर्दै बैंकले आफ्ना ऋणीलाई असोज मसान्त भित्र तिनुपर्ने ब्याज भुक्तानी गरेमा भुक्तानी भएको ब्याज रकममा १० प्रतिशत छुट दिने भएको हो ।
ग्राहकहरुले यस विषम परिस्थितिमा पनि कर्जाको किस्ता/ब्याज भुक्तानी गरेर देखाएको इमान्दारीताको कदर गर्दै बैंकले केही कर्जाहरुमा ब्याजदर समेत घटाएको छ ।
बैंकले हाल देशभरका १०२ शाखा, ३४ वटा एटीएममार्फत बैंकिङ सेवा प्रदान गर्दै आएको छ ।
