काठमाडौं । सेयर बजारमा गिरावट आएको छ । सोमबार झिनो अंकले बढेको नेप्सेमा आज करिब साढे ९ अंकले घटेको छ ।
दशैं नजिकिएसँगै कारोबार रकममा पनि सुस्त हुँदै गएको छ । गतहप्तासम्म औसतमा दैनिक साढे २ अर्ब कारोबार हुँदै आएकोमा पछिल्ला दिनहरुमा त्यो क्रमशः घट्दै २ अर्ब मुनि झरेको छ ।
सेयर बजार मापक सूचक नेप्से आज ९.४२ अंकले घटेर १५६८.५९ विन्दुमा आइपुगेको छ । यसदिन १९३ कम्पनीको १ अर्ब ८१ करोड ९६ लाख ३८ हजार ९७७ रुपैयाँ बराबरको कारोबार भएको छ । ६७ लाख ८२ हजार ९४७ कित्ता सेयर किनबेच भएका छन् ।
कारोबारमा आएका १२ वटा समूहमध्ये ३ समूहको परिसूचक उकालो लागेका छन् भने ७ समूहको परिसूचक ओरालो लागेका छन् । आज सबैभन्दा धेरै उत्पादनमूलक समूहको परिसूचक १०.८४ अंकले बढेको छ भने निर्जीवन बीमा समूहको परिसूचक सबैभन्दा धेरै ४८.४१ अंकले घटेको छ ।
आज लगानीकर्ताको रोजाइमा अरुण काबेली पावर कम्पनी परेको छ । यसको सबैभन्दा धेरै ११ करोड २६ लाख रुपैयाँभन्दा बढीको सेयर किनबेच भएको छ । कारोबारकै आधरमा ज्योति विकार रमुक्तिनाथ विकास बैंकको सेयर क्रमशः दोस्रो र तेस्रो स्थानमा रहे ।
आज ज्योति विकास बैंकका सेयरधनीले सबैभन्दा धेरै ४.८३ प्रतिशत कमाएका छन् भने पञ्चकन्या माइ हाइड्रोपावरका सेयरधनीले ८.७२प्रतिशतले गुमाएका छन् ।
