काठमाडौं । वाणिज्य, आपूर्ति तथा उपभोक्ता संरक्षण विभागले पानीको मूल्य तोकेको छ ।
विभागले प्रशोधित पानी कम्पनी उत्पादन मूल्य प्रतिजार २० रुपैयाँ, डिस्ट्रीब्यूटर मूल्य ३५ रुपैयाँ र खुद्रा मूल्यमा प्रति जार ४० रुपैयाँदेखि ५० रुपैयाँ तोकेको छ ।
त्यस्तै, प्रशोधित पानी एक लिटर बोतलको प्रति कार्टुन कम्पनी मूल्य ११० रुपैयाँ, डिस्ट्रीब्यूटर मूल्य प्रति कार्टुन १३० रुपैयाँ र खुद्रा मूल्य प्रति कार्टुन १५० रुपैयाँ तोकेको छ । सो पानीको मूल्य प्रति बोतल १६ रुपैयाँ अघिकतम मूल्य तोकिएको छ ।
वाणिज्य आपूर्ति तथा उपभोक्ता विभागले हाल निर्धारण गरिएको गुणस्तर, अनुज्ञापत्र, परीक्षण मापदण्ड पूरा गरी न्यूनतम सरसफाइका पूर्वशर्त पालना गरी उत्पादन गर्न उद्योगहरुलाई निर्देशन दिएको छ ।
उद्योग तथा विक्री केन्द्रहरुले न्यूनतम समर्थन मूल्यमा विक्री गर्नु पर्ने र सो भन्दा बढीमा विक्री गरेको पाइए २ लाखदेखि ३ लाख रुपैयाँसम्म जरिवाना गरिने विभागले जनाएको छ ।
पानीको मूल्य ५० रुपैयाँ तोकिए पनि बजारमा गुणस्तर कायम गरी खुद्रा मूल्य हालको बजारमा प्रचलित रहेको ३० रुपैयाँदेखि ४० रुपैयाँ भन्दा कम समेत हुन सक्ने छ ।
