चन्द्रागिरि । चन्द्रागिरि केबलकार तथा रिसोटमा ५० प्रतिशत छुटको स्कीम सार्वजनिक भएको छ ।
चन्द्रागिरि हिल्स लिमिटेडले दशैँ तिहारको अवशर पारेर बिशेष अफर ल्याएको हो । चन्द्रागिरि हिल्स लिमिटेडद्वारा प्रवद्र्धित चन्द्रागिरि केबलकारमा ५० प्रतिशत छुट र चन्द्रागिरि हिल्स रिसोटमा ६ हजार ५ सयमा एक जोडीका लागि ब्रेकफास्ट र डिलक्स रुम सहतिको प्याकेज सार्वजनिक गरेको छ ।
कम्पनीले यो अफर आजैदेखि लागु भइ १५ मङ्सिर २०७७ सम्मका लागि मान्य हुने व्यवस्था गरिएको छ ।
ऐतिहासिक, साँस्कृतिक तथा प्राकृतिक महत्व बोकेको चन्द्रागिरि डाँडामा यस कम्पनीले भालेश्वर महादेव मन्दिर, सत्तल, भ्यू टावर, चिल्ड्रेन पार्क, सेमिनार हल र रिर्सोट लगायतका पूर्वाधार निर्माण गरि संचालन गर्दै आएको छ ।
