काठमाडौं । माछापुच्छ्रे बैंक गत आर्थिक वर्षको मुनाफाबाट लाभांश घोषणा गर्ने पहिलो वाणिज्य बैंक बनेको छ । बैंकले गत आर्थिक वर्ष २०७५/७६ को नाफाबाट सेयरधनीलाई १०.४० प्रतिशत लाभांश दिने घोषणा गरेको छ ।
बैंक सञ्चालक समितिको बिहीबार बसेको बैठकले गत आवको मुनाफाबाट सेयरधनीलाई ७.०३ प्रतिशत बोनस सेयर र कर प्रयोजनसहित ३.३७ प्रतिशत नगद गरी कुल १०.४० प्रतिशत लाभांश दिने प्रस्ताव गरेको हो ।
यो अघिल्लो वर्षकोभन्दा ६ प्रतिशत कम हो । बैंकले अघिल्लो आवमा ११ प्रतिशत नगद र ५ प्रतिशत बोनस दिएको थियो ।
बैंकले प्रस्ताव गरेको लाभांश नियामक निकाय राष्ट्र बैंकको स्वीकृति तथा बैंकको साधरणसभाले पारित गरेपछि मात्रै सेयरधनीले पाउने छन् ।
