काठमाडौं । नेपाल पुनर्बीमा कम्पनीले मुद्दति निक्षेपमा पैसा राख्न बैंकहरूबाट प्रस्ताव आह्वान गरेको छ ।
कम्पनीले वाणिज्य बैंकमा रकम लगानी गर्नका लागि इच्छुक बैंकहरूबाट प्रस्ताव माग गरेको छ । कम्पनीले १ वर्ष र २ वर्ष अवधिका लागि रकम लगानी गर्नको लागि बैंकहरूबाट प्रस्ताव आह्वान गरेको हो ।
कम्पनीले आफूले लिन चाहेको रकम, ब्याजदर, ब्याज भुक्तानी अवधि उल्लेख गरेर असोज ५ गतेसम्म प्रस्ताव पेश गर्न बैंकहरूलाई आह्वान गरेको हो । कम्पनीले कति रकम बैंकको मुद्दतिमा राख्न चाहेको त्यो भने खुलाएको छैन ।
हाल १० अर्ब चुक्ता पूँजी रहेको कम्पनी बजार पूँजीकरणका आधारमा नेप्सेमा सूचीकृत दोस्रो ठूलो कम्पनी हो ।
