काठमाडौं । सुनको मूल्य फेरि उकालो लागेको छ । गतसाता ओरालो लागेको सुनको भाउ यससाता लगातार उकालो लागेको हो ।
आइतबार वृद्धि भएको सुनको मूल्यले आज पनि तोलामा ३०० रुपैयाँले बढेको छ । नेपाल सुन चाँदी व्यवसायी महासंघका अनुसार आज छापावाला सुन प्रतितोला ९७ हजार ५०० रुपैयाँ पुगेको ।
आइतबार छापावाल सुनको भाउ तोलाको ९७ हजार २०० रुपैयाँ रहेको थियो ।यस्तै, आज तेजाबी सुन पनि प्रतितोला ३०० रुपैयाँले बढेर ९७ हजार रुपैयाँ पुगेको छ ।
यस्तै चाँदीको भाउ पनि सोमबार तोलामा २५ रुपैयाँले बढेर प्रतितोला १ हजार ३६५ रुपैयाँ तोकिएको छ ।
पछिल्लो समय अन्तराष्ट्रिय बजारमा नै सुनको भाउ निरन्तर बढीरहेकाले त्यसको प्रभाव नेपाली बजारमा पनि देखिएको हो ।
