काठमाडौं । सुनको भाउ फेरि तोलाको १ लाख रुपैयाँ नाघेको छ । यसअघि तोलाको १ लाख ३ हजारसम्म पुगेको सुनको भाउ घटेर गतसाता १ लाख मुनि आएको थियो ।
नेपाल सुनचाँदी व्यवसायी महासंघका अनुसार सोमबार प्रतितोला ९८ हजार २०० रुपैयाँमा कारोबार भएको छापावाल सुन प्रतितोला २ हजार २०० रुपैयाँले बढेर तोलाको १ लाख ४०० रुपैयाँ पुगेको छ ।
यस्तै, तेजाबी सुन पनि प्रतितोला २ हजार २०० रुपैयाँले नै बढेर तोलाको ९९ हजार ९०० रुपैयाँ पुगेको छ ।
सुनसँगै चाँदीको भाउ पनि बढेको छ । सोमबारकोतुलनामा चाँदीको भाउ प्रतितोला ६५ रुपैयाँले बढेर १ हजार ३८० रुपैयाँ पुगेको छ ।
अन्तर्राष्ट्रिय बजारमा पहेँलो धातुकोभाउ बढेसँगै नेपालमा पनि त्यसको असर परेको महासंघले जनाएको छ ।
