काठमाडौं । मूल्य बढाएको दुई साता नपुग्दै नेपाल आयल निगमले पेट्रोलियम पदार्थको भाउ फेरि बढाएको छ ।
आज राति १२ बजेदेखि लागू हुनेगरी निगमले पेट्रोल, डिजेल र मट्टितेलमा प्रतिलिटर १/१ रुपैयाँ मूल्य वृद्धि गरेको हो ।
अब नयाँ मूल्य अनुसार पेट्रोलको प्रतिलिटर १०५ रुपैयाँ पुगेको छ । यस्तै, डिजेल र मट्टितेलको मूल्य प्रतिलिटर ९१ रुपैयाँ पुगेको छ ।
हवाई इन्धन र एलपी ग्यासको मूल्य भने यथावत रहेको निगमले जनाएको छ ।
यसअघि निगमले साउन १८ गते मात्रै पेट्रोलको २ रुपैयाँ, डिजेल र मट्टीतेलको प्रतिलिटर १.५० रुपैयाँले बढाएको थियो।
