काठमाडौं। चुक्ता पूँजीका आधारमा देशकै ठूलो बैंक ग्लोबल आइएमई बैंकको प्रमुख कार्यकारी अधिकृत (सीईओ)मा रत्नराज बज्राचार्य नियुक्त भएका छन्।
बैंकको संचालक समिति बैठकको शुक्रबार बसेको बैठकले बज्राचार्यलाई ४ वर्षका लागि सीईओमा नियुक्त गरेको हो। उनले भदौ १ गते (सोमबार) देखि पदभार सम्हाल्ने छन् ।
उनी दोस्रो पटक ग्लोबल बैंकको सीईओमा नियुक्त भएका हुन्। यसअघि पनि उनले एक पटक ग्लोबलको नेतृत्व सम्हालिसकेका छन् । त्यस्तै सनराइज बैंकको पनि सीईओ बनिसकेका छन् ।
नेपाल राष्ट्र बैंकमा २ दशक बिताएका बज्राचार्य चार्टर्ड एकाउन्टेन्ट पनि हुन्। उनी नेपाली बैंकिङ क्षेत्रमा एक अनुभवी र सफल बैंकरको रुपमा परिचित छन्।
