काठमाडौं । संयुक्त अरब इमिरेट्स (यूएई)ले भिसा सम्बन्धी नियम परिवर्तन गरेको छ ।
कोरोना महामारीका कारण अन्तर्राष्ट्रिय उडानहरु बन्द भएको अवस्थालाई मध्येनजर गर्दै भिसा सम्बन्धी नियम परिवर्तन गर्दै नयाँ नियम लागू गरेको हो ।
यूएई सरकारले भिजिट भिसाको समयवधि १ महिना थप गरेको छ । मार्च १ पछि भिजिट भिसाको म्याद सकिएकालाई यूएई सरकारले भिसाको म्याद १ महिना थपिदिएको हो ।
यूएई सरकारको यो व्यवस्थासँगै हजारौं विदेशी नागरिक लाभान्वित भएका छन् । मार्च १ पछि भिसा अवधि सकिएका विदेशीले अबको १ महिनासम्म म्याद थप नगरी यूएई बस्न पाउने भएक छन्। तर मार्च १ भन्दा अघि नै भिसाको अवधि सकिएकाको हकमा भने यो नियम लागू हुने छैन ।
यस्तै यूएई सरकारले यूएई बाहिर रहेका वा बिदामा रहेका रेसिडेन्ट, रोजगार भिसा भएकालाई यूएई फर्कन चाहिने अनुमति आवश्यक नपर्ने पनि बताएको छ ।
