काठमाडौं । नेपालमा सञ्चालनमा रहेका बैंक तथा वित्तीय संस्थाले अब आफ्नो वेबसाइटमा राखिने सामाग्री नेपाली भाषमा प्रकाशन गर्नु पर्ने भएको छ । राष्ट्र बैंकले आज सार्वजनिक गरेको आर्थिक वर्ष २०७६/७७ को मौद्रिक नीति मार्फत यस्तो व्यवस्था गरेको हो ।
बैंक तथा वित्तीय संस्थाले आफ्नो वेबसाइटमा प्रकाशन गर्ने सामाग्री साधरण लेखपढ गर्न जान्ने सर्वसाधरणले पनि पढ्न सकून भन्ने उद्देश्यले राष्ट्र बैंकले यस्तो व्यवस्था गर्न भनेकाे हाे ।
अहिले अधिकांश बैंक तथा वित्तीय संस्थाले आफ्नो वेबसाइटमा प्रकाशन गर्ने सामाग्री अंग्रेजी भाषमा प्रकाशन गर्दै आएका छन् ।
