काठमाडौं । दुग्ध विकास संस्थान (डीडीसी)ले ७ दिनका लागि उपभोक्ता उपहार योजना ल्याएको छ ।
संस्था स्थापना भएको ५२ वर्ष पुगेका उपलक्ष्यमा संस्थानका बिक्री केन्द्रबाट यही साउन ७ गतेसम्मका लागि दही, आइसक्रिम र पोली दही उपहार योजना ल्याएको संस्थानका बजार निर्देशक सञ्जीव झाले बताए।
याकको चीज ५०० ग्राम खरीद गरेमा ५०० मिलिलिटर दही, २०० ग्राम खरीद गरेमा १०० मिलिलिटर आइसक्रिम, १ लिटर घिउ खरीदमा ५०० मिलिलिटर पोली दही, ५०० मिलिलिटर घिउ खरीदमा १०० मिलिलिटर दही, १ केजी नौनी खरीदमा ५०० मिलिलिटर दही र ५०० मिलिलिटर कञ्चन चिज खरीदमा १०० मिलिलिटर आइसक्रिम उपहार दिने भएको छ ।
संस्थानले ४४ जिल्लामा १ हजार २०० दुग्ध उत्पादक सहकारी संस्थामार्फत करीब २ लाख किसानको संलग्नतामा दूध सङ्कलन गर्दै आएको छ ।
