काठमाडौं । नेपाल आयल निगमले मंगलबार राती १२ बजेदेखि लागू हुनेगरी पेट्रोलियम पदार्थको भाउ बढाएको छ ।
निगमले पेट्रोलको भाउ प्रतिलिटर ५ रुपैयाँ बढाएको छ । अब नयाँ मूल्य अनुसार पेट्रोलको प्रतिलिटर १०१ रुपैयाँ पुगेको छ ।
साथै, निगमले डिजेल र मट्टितेलको मूल्यमा समान २-२ रुपैयाँले वृद्धि गरेको छ । डिजेल र मट्टितेलको मूल्य प्रतिलिटर ८७ रुपैयाँ कायम भएको छ ।
हवाई इन्धन र एलपी ग्यासको मूल्य भने यथावत रहेको निगमले जनाएको छ । सरकारले बजेटमार्फत डिजेल, पेट्रोलमा प्रतिलिटर १० रुपैयाँ कर बढाएको थियो ।
