काठमाडौं । भारतले टिकटक, विच्याटसहित करिब ५ दर्जन चिनियाँ एपमा प्रतिबन्ध लगाएको छ ।
पछिल्लो समय दुवै देशबीच सीमा विवाद झन बढ्दै गएको अवस्थामा भारतीय सुरक्षा एजेन्सीले सुरक्षा खतरा देखाउँदै ५९चिनियाँ एपहरु प्रयोग गर्न बन्द गरेको छ ।
प्रतिबन्ध लगाइएकामा सेयरइट, यूसी ब्राउजर, बाइदु म्याप, हेलो, एमआई कम्युनिटी, युक्याम मेकअपजस्ता एप छन्। टिकटक भारतमा अत्यन्त लोकप्रिय एप हो। टिकटकका २ अर्ब प्रयोगकर्तामध्ये ६० करोड भारतमा छन्।
भारतीय सञ्चार माध्यमले जनाए अनुसार सुरक्षा एजेन्सले चिनियाँ एप बन्द गर्न गरेको प्रस्ताव भारतको राष्ट्रिय सुरक्षा काउन्सिलले पनि समर्थन गरेको थियो । काउन्सीलले पनि चिनियाँ एप भारतको सुरक्षामा खतरा पर्ने जनाएको छ ।
जुन १५ मा लद्दाखस्थित सीमा क्षेत्रमा दुई देशका सैनिकबीच झडप हुँदा २० भारतीय सैनिकको मृत्यु भएको थियो। त्यसयता भारत र चीनबीच तनाव बढ्दो क्रममा छ ।
