काठमाडौं। आज (शुक्रबार) त्रिभुवन अन्तर्राष्ट्रिय विमानस्थलमा १० वटा अन्तर्राष्ट्रिय चार्टर्ड उडान हुने भएका छन्।
कोरोनाका कारण विश्वका विभिन्न देशमा समस्यामा परेको नेपालीलाई नेपाली ल्याउन र लिन जानका लागि १० उडान हुन लागेको हो ।
त्रिभुवन अन्तर्राष्ट्रिय विमानस्थलद्धारा जारी विज्ञप्ति अनुसार दमाम, रियाद, याङ्गुन, बहराइन, क्वालालम्पुर, दुबई, मेलबर्न र हङकङमा चार्टर्ड उडान हुनेछ। विमान विभिन्न देशबाट १२०० जना नेपाली र केही शव समेत नेपाल ल्याइने छ ।
बिहानै बहराइनबाट नेपाल एयरलाइन्सको जहाजमार्फत २६० जना नेपाली स्वदेश फर्किएका छन्।कुवेतमा आममाफीमा सहभागी नेपाली पनि स्वदेश फर्कदै छन् । कुवेतको जजिरा एअरमार्फत त्यहाँ आममाफीमा सहभागी झण्डै १५० जना नेपाली स्वदेश फर्कन लागेका हुन् ।
आज ६ ठाउँमा नेपाली लिन हिमालय एयरलाइन्स र नेपाल एयरलाइन्सका जहाज जाँदैछन् । नेपाल एयरलाइन्स नेपाली लिन मलेसियाको क्लालाम्पुर, हङकङ, अस्ट्रेलियाको मेलबर्व, यूएईको दुबई र साउदीको रियाद जाँदैछ ।
हिमालय एयरलाइन्सको चार्टर्ड जहाज नेपाली लिन साउदीको दमाम आज जानेछ भने भोलि बिहान नेपालीहरु लिएर काठमाडौं फर्कनेछ । श्री एअरलाइन्सको जहाज युंगुन जाँदैछ ।
