काठमाडौं । डिशहोम नेपाली ‘डीटीएच’ टेलिभिजनमा उत्कृष्ट सेवा प्रदायकको रुपमा परिचित रहेको छ । करिब १८ लाख घरमा जडान भएको डिशहोमले अहिले समाचार, मनोरञ्जन, खेलकुद, भूगोल, कार्टुन, ड्रामा, सिनेमा, शिक्षा लगायतका च्यानलहरु देखाउँदै आएको छ ।
नेपाली डीटीएचको इतिहासमा लामो यात्रा तय गरेको डिशहोम अहिले विश्वभर फैलिएको कोरोना महामारीको संकटसँग जुध्न नेपाल सरकारले गरेको पूर्ण र आंशिक लकडाउनमा समेत बालकदेखि बृद्धसम्मको सहयोगी बन्दै गएको छ ।
कम्पनीले सबै उमेर समूहको रोजाइमा पर्ने हरेक च्यानलहरु प्रसारण गर्दै आएको छ । अहिले स्कुलहरु बन्द रहेको समयमा डिशहोमले घरबाटै शिक्षा दिँदै आएको छ ।
‘लकडाउन लम्बिँदै गएको र तत्काल स्कुलहरु खोल्न नसक्ने अवस्था रहेकाले नेपाल सरकारले टीभी, एफएम र अनलाइन मार्फत पठनपाठन अघि बढाउने निर्णय गरेकाले डिशहोमले पनि त्यसको आधिकारीक प्रशारणको अनुमति पाएका छौं,’ कम्पनीका महाप्रबन्धक रमेश सापकोटाले भने, ‘ग्राहकलाई धेरै कठिन नहोस् भनेर डिशहोमको १०० र १०१ च्यानललाई हामीले निःशुल्क च्यानल बनाएर दिएका छौं । यी दुई च्यानल ग्राहकले नियमित रिचार्ज नगर्दा पनि संचालन हुने छन् ।
उनका अनुसार यसले बालबालीकाको पढाइमा केही भने पनि आफूहरुको योगदान हुने छ । यी दुवै च्यानल हेर्न कुनै शुल्क तिर्नुपर्ने छैन ।
यसका साथै ‘डियरवाक लर्निङ सेन्टर’सँग सहकार्य गरेर कक्षा ४ देखि कक्षा १० सम्मको गणित, विज्ञान, अंग्रेजी र नेपाली विषयको पठनपाठन सुरु गरेको छ । यसलाई बैशाख २० गतेदेखि नै डिशहोमले प्रशारण गरिरहेको छ । यो च्यानल मासिक शुल्क तिर्ने ग्राहकले उपभोग गर्न पाउने छन् । यसमा पनि ग्राहकले अतिरिक्त शुल्क तिर्नु पर्दैन ।
हामी ग्राहकलाई कसरी उत्कृष्ट सेवा दिन सकिन्छ भनेर लगानी गरिरहेका छौं । अहिले आफूसँग ५ वटा शिक्षा सम्बन्धी च्यानल संचालनमा रहेको बताउने सापकोटा भन्छन्, ‘डिशहोमको प्लस प्याकेज भनेर १५ वटा च्यानल प्रशारण गरिरहेका थियौं, लकडाउन पछि सबै ग्राहकलाई यो सुविधा उपलब्ध गराउँदै आएका छौं । हाम्रो सामाजिक उत्तरदायीत्व अन्तर्गत ग्राहकलाई धेरैभन्दा धेरै सुविधा दिन प्रयास गरिरहेको छ ।’
अहिले पनि डिसहोमको ‘डिलर दाइको डिस्काउन्ट’ अन्तर्गत डिशहोमको वार्षिक रिचार्ज गर्ने ग्राहकलाई २५ प्रतिशतसम्म बोनस तथा हरेक हप्ता २ जनालाई १/१ लाख उपहार दिँदै आएको छ ।
साथै, सुरुवाति लकडाउनदेखि नै सबै किसिमको सेवाहरु चुस्त दुरुस्त रुपमा कम्पनीले उपलब्ध गराउँदै आएको जनाएको छ । यदि कोही कसैले समयमा सेवा पाउन नसकेको भए कम्पनीको ‘टोल फ्रि’ नम्बरमा सम्पर्क गर्न सक्ने जनाइएको छ ।
