काठमाडौं । माछापुच्छ्रे बैंकले ३ अर्ब रुपैयाँ बराबरको ऋणपत्र निष्कासन गरेको छ । बैंकले आजदेखि ‘माछापुच्छ्रे डिवेञ्चर – २०८५ ’ नामको ३० लाख कित्ता ऋणपत्र बिक्री खुल्ला गरेको हो । यसको खरिद मूल्य प्रति कित्ता १ हजार रुपैयाँ रहेको छ ।
बिक्री प्रबन्धक एनएमबि क्यापिटलका अनुसार निष्काशित ३० लाख इकाईमध्ये सामूहिक लगानी कोषकालाई छुट्टाइएको ६० हजार सहित १२ लाख कित्ता ( १ अर्ब २० करोड रुपैयाँको) सर्वसाधारणका लागि खुला गरिएको छ । बाँकी रहेको १८ लाख कित्ता (१ अर्ब ८० करोड रुपैयाँको) ऋणपत्र भने बैंकले व्यक्तिगत तवरबाट बिक्री गर्नेछ ।
इच्छुक लगानीकर्ताले न्यूनतम २५ कित्तादेखि अधिकतम ११ लाख ७० हजार कित्ताका लागि आवेदन गर्न सक्नेछन् । बैंकको ऋणपत्र निष्काशन छिटोमा साउन ९ गते निष्काशन बन्द हुनेछ भने ढिलोमा भदौ ३ गतेसम्म खुला रहनेछ ।
बैंकको ऋणपत्रमा धितोपत्र बोर्डबाट आश्वा अनुमति प्राप्त बैंक तथा वित्तीय संस्थाको अलवा मेरो शेयर सफ्टवेयरबाट समेत आवेदन गर्न सकिन्छ ।
यस ऋणपत्रलाई आइसिआर नेपालले आइआर–ए–माइनस रेटिङ्ग प्रदान गरेको छ । उक्त रेटिङ्गले माछापुच्छ्रे बैंक लिमिटेड लगानीका लागि जोखिममुक्त बैंक रहेको जनाउदँछ ।
बैंकले अहिले सातै प्रदेशमा आफ्ना १३२ वटा शाखाहरु र ११२ शाखारहित बैकिङ्ग सेवा समेत गरी जम्मा २२६ स्थानबाट ६ लाद भन्दा बढी ग्राहकलाई बैकिंग सुविधा प्रदान गरिरहेको छ । बैंकको देशभर १४४ वटा एटीएमहरु सञ्चालनमा रहेका छन् ।
