क्लासिक टेक प्रालि ले नेपालमा इन्टरनेट सेवा सुरु गरेको १० बर्ष भएको छ। विश्वकै उत्कृष्ट जिओपीएन प्रविधिबाट फाईबर इन्टरनेट सेवा प्रदान गर्दै नेपालको मुख्य सहरहरुमा सेवा उपलब्ध गराइरहेको छ । ७७ जिल्लामा सेवा तथा २१ वटा भन्दा बढी शाखाको स्थापना गरि करिब ९०० दक्ष जनशक्तिहरुका माध्यमबाट निरन्तर रुपले आफ्ना ग्राहकहरुलाई सेवा प्रदान गरिरहेको छ ।
यस कम्पनीसँग हाल १०० जिबीपीएस् को फाईबर ब्याकबोन रहेको छ, भने एयरटेल र टाटाबाट देशका तीन नाकाहरुबाट आफ्नै लगानीमा ईन्टरनेटको ब्यान्डविथ भित्र्याएको छ । यसका साथैं गुगल, फेसबुक, अकामाई तथा अन्य विभिन्न सर्भरहरु आफैले होस्ट गरेको छ ।
आफ्नो दशौ बार्षिक उत्सवको उपलक्षमा यस क्लासिक टेक ले मात्र ४७१ प्रति महिनाको दरमा ५० एमबीपीएस स्पीड को सेवा बजारमा ल्याएको छ । एक वर्ष सेवाको खरिदमा १० महिना बोनसको योजनाले उक्त दरमा सेवा उपलब्ध गराउने कम्पनीले जानकारी गराएको छ ।
