काठमाडौं । धादिङमा भूकम्पबाट प्रभावित लाभग्राहीलाई प्रदान गरिने सहुलियत दरको ऋण बारेमा जनचेतनामूलक कार्यक्रम सम्पन्न गरिएको छ । कार्यक्रम जिल्लाको ज्वालामुखी गाउँपालिका, नीलकण्ठ नगरपालिका तथा धुनवेशी नगरपालिकामा सञ्चालन गरिएको थियो ।
युके एडको (सक्षम एक्सेस टु फाइन्यान्स) को आर्थिक सहयोगमा सञ्चालित कार्यक्रम असार ३१ गते देखि साउन २ गतेसम्म तीन दिन सञ्चालन गरिएको थियो ।
कार्यक्रमा भूकम्प प्रभावित लाभग्राहीले सहुलियत ऋण लिनको लागि चाल्नु पर्ने प्रक्रिया, त्यसको लागि आवश्यक पर्ने कागजातलगायतका विविध पक्षका बारेमा जानकारी दिइएको थियो ।
कार्यक्रमहरूमा सम्बन्धित गाउँ/नगरपालिकाका विभिन्न वडा अध्यक्षहरू, उक्त क्षेत्रमा रहेका विभिन्न बैंकका शाखा प्रमुखहरू, तथा लाभग्राहीको सहभागिता रहेको थियो । प्राधिकरणका प्रतिनिधिहरूले कार्यक्रममा आएका जिज्ञासाहरूको उत्तर दिएका थिए ।
