कोरोना भाइरस प्रसार रोक्ने उद्देश्यले टर्कीले गत मार्च २८ देखि बन्द गरेको अन्तर्राष्ट्रिय हवाई उडान पुनः शुरु गरेको छ ।
टर्कीस एयरलाइन्सद्वारा प्रबद्र्धित अनादोलु जेटको एउटा विमान इस्तानबुलको सबिहा गोक्सेन विमानस्थलबाट लन्डनका लागि स्थानीय समय अनुसार बिहान ८:४० बजे प्रस्थान गरेको छ ।
त्यसलगत्तै नेदरल्याण्ड्सको आम्सटर्डम र जर्मनीको डुसेलडोर्फका लागि पनि विमानहरु प्रस्थान गरेको टर्कीका अधिकारीहरुले बताएका छन् ।
यसैबीच, टर्कीस एयरलाइन्सको अर्को विमान इस्तानबुल विमानस्थलबाट जर्मनीको डुसेलडोर्फका लागि प्रस्थान गरेको छ ।
यी विमानमा सम्बन्धित मुलुकका नागरिक वा ती मुलुकमा बस्नका लागि अनुमतिप्राप्त व्यक्तिलाई मात्र यात्रा गर्न दिइएको छ ।
विमानस्थलमा प्रवेशका लागि निकै कडा नियमहरु जारी गरिएको विमानस्थलका अधिकारीहरुले बताएका छन् । प्रत्येक यात्रुको शरीरको तापक्रम जाँच्नुका साथै वैध टिकट भएका व्यक्तिलाई मात्र विमानस्थलमा प्रवेश गर्न दिइएको छ ।
टर्कीले घरेलु उडानहरु गत जुन १ तारिखबाटै शुरु गरिसकेको छ ।
